Tramp AQSh qo‘shinlarini Afg‘onistonga qaytarmoqchiligini aytdi

Qo‘shma Shtatlar Afg‘onistonning Bagram havo bazasiga qaytmoqchi. Bu haqda gapirgan Donald Tramp, yaqin kunlarda "yangilik bo‘lishi mumkinligi"ni ta’kidladi.

"Biz u yerga, Bagram harbiy aviabazasiga qaytishga harakat qilyapmiz. Bu ehtimol kichik, ammo shov-shuvli yangilik bo‘lishi mumkin. Bu aviabaza Xitoy o‘zining yadroviy qurollarini ishlab chiqaradigan hududdan bir soatlik masofada joylashgan" — dedi AQSh prezidenti Buyuk Britaniya bosh vaziri Kir Starmer bilan o‘tkazilgan qo‘shma brifingda.