«Inter Mayami» hujumchisi Lionel Messi 2 noyabr kuni «Nyu-England Revolyushn»ga qarshi MLS bahsini o‘tkazib yubormaydi. ESPN xabariga ko‘ra, argentinalik futbolchi «Sinsinnati»ga qarshi 2:2 hisobida yakunlangan bellashuvda mavsumdagi beshinchi sariq kartochkasini olgan bo‘lsa-da, diskvalifikasiyaga uchramaydi.
Bunga MLS reglamentidagi «Yaxshi xulq-atvor uchun rag‘bat» qoidasi imkon beradi. Unga ko‘ra, futbolchilar intizomli o‘yin namoyish etgani uchun avvalgi sariq kartochkalaridan birini hisobdan chiqarishi mumkin.
Agar futbolchi ketma-ket beshta bahsda sariq yoki qizil kartochka olmasa va boshqa intizomiy jazoga tortilmasa, uning to‘plangan sariq kartochkalari sonidan avtomatik ravishda bittasi ayiriladi.
Ushbu qoidadan muntazam mavsum davomida ko‘pi bilan uch marta foydalanish mumkin.
Ma’lumot uchun, «Inter Mayami» va «Sinsinnati» o‘rtasidagi bahs 2:2 hisobida yakunlangan. Messi esa ushbu bellashuvda sariq kartochka olgan.
Eslatib o‘tamiz, «Inter Mayami» 2 noyabr kuni «Nyu-England Revolyushn»ga qarshi maydonga tushadi.
«An-Nasr» uch nafar yulduzisiz O‘zbekistonga tashrif buyurdi
Yamal "Oltin to‘p" marosimidan keyin qanday ahvolda ekani ma’lum bo‘ldi
Messi futbolga bo‘lgan ishtiyoqini yo‘qotmoqda — OAV
