Meksikada harbiylar va narkokartel o‘rtasidagi otishmada ikki kishi halok bo‘ldi

Harbiylar va Meksika kartel a’zolari o‘rtasida qurolli to‘qnashuv yuz berdi, ikki kishi halok bo‘ldi. Bu haqda Milenio gazetasi xabar berdi.

Nashr iqtibos keltirgan rasmiylarga ko‘ra, voqea Meksikaning Xalisko shtatidagi Okotlan munisipalitetida sodir bo‘lgan. Mamlakat Mudofaa vazirligi xodimlariga o‘g‘irlangan avtomobil haqida xabar kelib tushgan va voqea joyiga yetib borgach, uchta mashinada qurollangan jinoiy guruh a’zolari tomonidan hujumga uchragan.

Harbiylar zirhli transport vositasini ta’qib qilib, urib yuborgan, natijada otishma boshlangan. Nashrning yozishicha, ikki hujumchi halok bo‘lgan, harbiy xizmatchilardan biri va tasodifiy yo‘lovchi ayol jarohat olgan va kasalxonaga yotqizilgan. Rasmiylar gumonlanuvchilardan biri, Gonduras fuqarosini ham qo‘lga oldi.

Avtomobildan Meksikaning "Yangi avlod Xalisko" karteliga tegishli pulemyot, uchta miltiq va ikkita granata musodara qilindi, deb yozadi gazeta. Huquq-tartibot idoralari xodimlari boshqa a’zolarni qidirish maqsadida patrullik ishlarini olib bormoqda.