Mbappe "Real" tarixida debyut mavsumida 40 ta gol urgan ilk futbolchiga aylandi.

La Liganing 36-turida "Malyorka"ga (2:1) urilgan gol "Real" hujumchisi Kilian Mbappe uchun Madrid jamoasi libosidagi 40-gol bo‘ldi.

Squawka xabariga ko‘ra, 26 yoshli fransuz klub tarixida debyut mavsumida shuncha gol urgan ilk futbolchiga aylandi. Mbappening La Ligada 28 ta, Chempionlar ligasida 7 ta, Ispaniya kubogida 2 ta, qit’alararo kubok, Ispaniya Superkubogi va UYEFA Superkubogida bittadan goli bor.

MisterCHip ma’lumotlariga ko‘ra, u Ispaniya futbolidagi birinchi mavsumida 40 yoki undan ortiq gol urgan tarixdagi ikkinchi futbolchi hamdir. Bungacha faqat braziliyalik Ronaldo bunga muvaffaq bo‘lgan, u 1996/97 yilgi mavsumda "Barselona"dagi birinchi mavsumida 47 ta gol urgan.

Portugaliyalik hujumchi Krishtianu Ronaldu "Real"dagi birinchi mavsumida 33 ta gol urdi.