Mbappe nechta o‘yinga chetlashtirilishi mumkin?

«Real» La Liganing 32-turidan o‘rin olgan o‘yinda «Alaves» ustidan 1:0 hisobida g‘alaba qozondi.

Bahsning 38-daqiqasida «Real» hujumchisi Kilian Mbappe maydon markazida to‘p uchun kurash chog‘ida Antonio Blankoning boldiriga butsasining shiplari bilan zarba berdi. Bosh hakam Sesar Soto Grado avvaliga unga sariq kartochka ko‘rsatdi, biroq videotakrorni ko‘rib chiqqanidan so‘ng qarorini o‘zgartirdi va fransiyalik futbolchini qizil kartochka bilan maydondan chiqarib yubordi.

COPE jurnalisti Isaak Futo xabariga ko‘ra, Mbappe faqatgina 1 ta o‘yinga diskvalifikasiya qilinadi. U chempionatning navbatdagi turida «Atletik»ka qarshi bo‘ladigan o‘yinda maydonga tushmaydi.