Amerikalik biznesmen va milliarder Ilon Mask o‘ng qanot faoli Tommi Robinsonning mitingida onlayn tarzda chiqish qilib, Buyuk Britaniya parlamentini tarqatib yuborish va muddatidan oldin saylovlar o‘tkazishga chaqirdi.
Bu haqda The Guardian nashri xabar bermoqda.
"Keyingi saylovga to‘rt yil vaqtimiz yo‘q yoki qancha vaqt bo‘lsa ham. Bu juda uzoq. Nimadir qilish kerak. Parlamentni tarqatib, yangi ovoz berishni o‘tkazish kerak", - deydi tadbirkor.
Maskning qayd etishicha, Britaniya nazoratsiz migrasiya, byurokratiya va so‘z erkinligi cheklovlaridan aziyat chekmoqda va shuning uchun hukumat keng ko‘lamli islohotlarga muhtoj.
Eslatib o‘tamiz, shanba kuni London markazida o‘ng qanot “Angliya mudofaa ligasi” tashkiloti asoschisi, taniqli faol va muhojirlar muxolifi Tommi Robinson tomonidan tashkil etilgan namoyish bo‘lib o‘tdi. Polisiya ma’lumotlariga ko‘ra, namoyish ishtirokchilari soni allaqachon 110 mingga yetgan.
Namoyish paytida namoyishchilar va huquq-tartibot idoralari xodimlari o‘rtasidagi to‘qnashuvlar ham qayd etilgan, to‘qqiz kishi hibsga olingan.
Nikolay Valuyevga nisbatan qidiruv e’lon qilindi
BMTda Falastinga doir muhim hujjat qabul qilindi. Qaysi davlatlar qarshi ovoz bergani ma’lum
O‘zbekistonga qaytayotgan bebaho meros
