Xalqaro sayyohlar Qo‘shma Shtatlarga bo‘lgan sayohat rejasini qayta ko‘rib chiqmoqda. The New York Times nashri jurnalisti Jeylan Yeginsuning so‘zlariga ko‘ra, dunyo bo‘ylab sayohatchilar Tramp ma’muriyatining so‘nggi qarorlari, yangi siyosati va nutqlari tufayli AQShga sayohat qilishdan voz kechmoqda.
Turizm iqtisodiyoti tadqiqot firmasi dastlab Qo‘shma Shtatlarga keluvchi xalqaro turistlar soni 9 foizga o‘sishini taxmin qilgan bo‘lsa-da, so‘nggi ma’lumotlar 5 foizga qisqarish sifatida yangilangan.
Ba’zi yevropaliklar Trampga qarshi norozilik sifatida AQShga bo‘lgan sayohatlarini qayta ko‘rib chiqmoqda. Milliy sayohat va turizm byurosining 2025 yil birinchi choragiga oid ma’lumotlariga ko‘ra, xalqaro tashriflar sezilarli darajada kamaygan, bu pasayish mart oyida yanada kuchaygan. 2024 yilning shu davri bilan taqqoslaganda, G‘arbiy Yevropadan (sayyohlar va biznes mehmonlar) kelganlar soni o‘tgan oyda taxminan 17 foizga kamaygan, yanvardan beri esa umumiy pasayish 7 foizni tashkil etgan.
Ushbu tendensiya ayniqsa Germaniya, Irlandiya va Ispaniya kabi davlatlarda kuchaygan, chunki mart oyida tashriflar 20 foizdan ko‘proq kamaygan.
O‘zbekiston Rossiya elchisini chaqirtirdi
Hindistonlik talaba Toshkent tibbiyot akademiyasidan norozi bo‘ldi
Fransiya Rossiya G‘alaba bayramiga taklif qilinmaganidan g‘azablandi
