«Manchester Siti» yulduzi Abduqodir Husanovga qanday yordam berganini aytdi

«Manchester Siti» yarim himoyachisi Bernardu Silva o‘zbek himoyachisi Abduqodir Husanov haqida fikr bildirdi.

— Husanov uchun oson bo‘lmadi. Yangi mamlakatga kelib, ingliz tilini yaxshi bilmagan holda moslashish qiyin. U faqat bir haftacha mashg‘ulot o‘tkazdi, shuning uchun jamoada futbolchilar kam bo‘lgan paytda «Chelsi»ga qarshi muhim o‘yinga tushishiga to‘g‘ri keldi. Bu jamoa uchun ham og‘ir palla edi.

U o‘zining birinchi harakatida xatoga yo‘l qo‘ydi, va men unga bosimni ozgina yengillashtirishga harakat qildim. U ajoyib iqtidorga ega va shunday vaziyatlarda tajribali futbolchilar ham xatolarga yo‘l qo‘yishini tushunishi kerak. Eng muhimi – bunday paytlarda qanday javob berishing. Husanov shundan so‘ng tinchlanib, o‘yinga ko‘nikib ketdi. Bu uning xarakteri va rivojlanish salohiyatini ko‘rsatadi, – dedi Silva.