“Manchester Siti” rahbariyati jamoaning o‘ng qanot himoyasiga baribir yangi ijrochi olish kerak, degan xulosaga qaytdi. Ayni paytda klub skautlar bir necha nomzodni kuzatuv ostiga olgan.
Xususan, “Brentford” ning o‘ng qanot himoyachisi Mikael Kayode ham “shaharliklar” nishonida turibdi. Manchesterliklar 21 yoshli futbolchining himoyadagi xotirjamligi va hujumga qo‘shilish mahoratidan juda katta taassurot olgan. Bu haqda Caught Offside xabar berdi.
Manbaga ko‘ra, italiyalik o‘yinchiga “Bavariya”, “Yuventus” va “Inter” ham qiziqish bildirmoqda. Agar qishki transfer oynasida rasmiy taklif tushsa, “Brentford” Kayode uchun 35–40 million yevro talab qiladi.
Ta’kidlanishicha, kelasi yozda himoyachining narxi yana oshib ketishi mumkin.
Joriy mavsumda Kayode barcha musobaqalarda 25 ta o‘yin o‘tkazdi. Uning klub bilan shartnomasi 2030 yilning yozigacha amal qiladi. Transfermarkt ma’lumotlariga ko‘ra, futbolchining bozor qiymati 20 million yevroni tashkil qilmoqda.
Ronaldu maydonda asr rekordini o‘rnatdi
Husanov qo‘rqinchli hisob qayd etilgan bahsda necha ballga loyiq ko‘rildi?
Gvardiola: «Husanov – aql bovar qilmas futbolchi»
