Makron: "Ukraina xavfsizlik kafolatlarini tayyorlash tugallandi"

Evropa Ukraina uchun xavfsizlik kafolatlarini tayyorlashni yakunladi.

Bu haqda Fransiya prezidenti Emmanuel Makron ukrainalik hamkasbi Vladimir Zelenskiy bilan uchrashuvda ma’lum qilgan.

"Ushbu tayyorgarlik ishlari yakuniga yetdi", – dedi Fransiya rahbari.

Unga ko‘ra, Yevropa yetakchilari Vashingtonda o‘z zimmalariga olgan majburiyatlar bugun kunning ikkinchi yarmida mudofaa vazirlari darajasida qat’iy maxfiylik asosida tayyorlangan, hujjatlashtirilgan va tasdiqlangan.

Evropa, Makronning so‘zlariga ko‘ra, Rossiya-Ukraina mojarosini hal qilish bo‘yicha tinchlik kelishuvi kuchga kirgandan so‘ng darhol Ukrainaga xavfsizlik kafolatlarini berishga tayyor.

Eslatib o‘tamiz, ertaga Ukraina uchun xavfsizlik kafolatlari va uni kelgusida qo‘llab-quvvatlashga bag‘ishlangan “xohlovchilar koalisiyasi”ning videokonferensiyasi bo‘lib o‘tadi.

Germaniya kansleri Fridrix Mers eng muhim xavfsizlik kafolati Ukraina Qurolli kuchlarini yetarli darajada qo‘llab-quvvatlash ekanligini ta’kidladi.

Zelenskiy, o‘z navbatida, Yevropa yetakchilari bilan bo‘lajak uchrashuvlar fonida Ukrainaning sezilarli darajada mustahkamlanishini e’lon qildi.