Makron: "Ukraina uchun xavfsizlik kafolatlari ustida ish yakunlandi"

Fransiya prezidenti Emmanuel Makron Ukraina uchun xavfsizlik kafolatlari bo‘yicha ishlar yakunlanganini ma’lum qildi.

Bu haqda Makron Ukraina prezidenti Vladimir Zelenskiy bilan uchrashuv yakunlari bo‘yicha o‘tkazilgan matbuot anjumanida ma’lum qildi.

Makron bu boradagi muzokaralar yevropaliklar, fransuzlar va ukrainaliklar xavfsizligi uchun muhimligini ta’kidladi.

U, shuningdek, AQShning xavfsizlik kafolatlarini taqdim etishdagi ishtiroki Vashington bilan muhokama mavzusi bo‘lishini ta’kidladi: "Yaqin kunlarda AQShning ushbu kafolatlardagi ishtirokiga oydinlik kiritish uchun AQSh rasmiylari bilan muzokaralar o‘tkazilishi kutilmoqda".

"Bir vaqtning o‘zida Rossiya amerikalik vositachiga tinchlikka intilishi borasida aniq rasm taqdim etishini ta’minlash bo‘yicha muhokamalar olib borilmoqda. Shuningdek, Amerika va Rossiya delegasiyalari o‘rtasida Moskvaning oldinga siljishga tayyormi yoki istamasligini tekshirish uchun muzokaralar bo‘lib o‘tadi", - deya qo‘shimcha qildi u.