Agar Vashington va Tehron kelishuvga erishsa, Qozog‘iston Eronning qurol darajasiga yaqin darajada boyitilgan uran zaxiralarini qabul qilishga tayyor.
Xalqaro atom energiyasi agentligi (MAGATE) bosh direktori Rafael Grossi Financial Times nashriga bergan intervyusida shunday dedi.
Uning so‘zlariga ko‘ra, Qozog‘iston rahbari Qosim-Jomart To‘qayev shu hafta Ostonada bo‘lib o‘tgan uchrashuvda rozilik bergan.
"MAGATEning Qozog‘istonda kam boyitilgan uran banki borligi sababli, bizda uni xavfsiz saqlash mumkin bo‘lgan joy bor", dedi Grossi. Uning fikricha, bu ham AQSH, ham Eron uchun maqbul bo‘lishi mumkin.
Bosh direktorning qo‘shimcha qilishicha, masalaning hal qilinishi faqat yadroviy muzokaralarga bog‘liq bo‘ladi.
AQSh prezidenti Donald Tramp ilgari 29 may kuni maslahatchilari bilan uchrashuvda Eron bilan dastlabki kelishuvni tasdiqlash bo‘yicha yakuniy qaror qabul qilish niyatida ekanligini e’lon qilgan edi.
Financial Timesning ta’kidlashicha, AQSh o‘tgan yilning iyun oyida 12 kunlik urush paytida bombardimon qilgan Eronning uchta asosiy yadroviy inshootlari - Natanz, Fordou va Isfahon vayronalari ostida taxminan 440 kg yuqori darajada boyitilgan uran yotibdi. Agar 90 foizgacha boyitilsa, bu miqdor taxminan 10 ta qurol ishlab chiqarish uchun yetarli bo‘ladi, deb ta’kidlaydi nashr.
1 iyundan tariflar oshadi: oldindan to‘lov qilganlar 2 oy eski narxda to‘laydi
O‘zbekistonda iyunda anomal issiq oqibatida harorat +47° gacha chiqadi
Netanyaxu Quddusdagi shifoxonaga yotqizildi
