Lvov bugun Yevropa markaziga aylandi! 35 davlat va YEI diplomatlari nimani muhokama qilmoqda?

9 may kuni Lvovga yevropalik vazirlar va diplomatlar kelishdi. Unda 35 mamlakat va Yevropa Kengashi delegasiyalari ishtirok etmoqda.

Bu haqda Ukraina tashqi ishlar vaziri Andrey Sibiganing bayonotida aytiladi.

Bugun Lvovda ikkita muhim voqea bo‘lib o‘tadi - Yevropa Ittifoqi tashqi ishlar vazirlarining uchrashuvi va Ukrainaga qarshi tajovuz jinoyati bo‘yicha maxsus tribunal tuzish bo‘yicha Core Group yig‘ilishi.

Evropa vazirlari va diplomatlaridan tashqari, Lvovga Yevropa Ittifoqining oliy vakili Kayya Kallas va Ukraina bosh vaziri Denis Shmigal ham keldi.

Tashrif Lichakovskiy qabristonida Ukrainani Rossiya tajovuzidan himoya qilishda jon fido qilgan ukrainalik qahramonlar xotirasiga hurmat bajo keltirish bilan boshlandi.