Luiziana shtatidagi otishmada kamida sakkiz nafar bola halok bo‘ldi

Luiziana shtatining Shreveport shahrida sodir bo‘lgan otishmada kamida sakkiz nafar voyaga yetmagan bola halok bo‘ldi va yana ikki kishi yaralandi.

Bu haqda ABC News mahalliy polisiyaga tayanib xabar berdi.

Xabarlarga ko‘ra, qurolli shaxs uchta turli mahalladagi bir nechta uylarga qarata o‘t ochgan va natijada bir yoshdan taxminan 14 yoshgacha bo‘lgan sakkiz bolani o‘ldirgan, ularning ba’zilari qurolli shaxs bilan qarindosh bo‘lgan.

Otishmadan so‘ng, gumondor mashinani o‘g‘irlab, qochishga uringan. Polisiya Bossiyer shahrida yakunlangan ta’qibni boshlagan, u yerda zobitlar erkakka qarata o‘t ochishgan va uni o‘ldirishgan.

Tergovda shtat detektivlari ishtirok etmoqda va huquqni muhofaza qilish organlari hodisaning holatlarini aniqlash ustida ishlamoqda.