Los-Anjelesda avtomobil haydovchisi qasddan olomon ustiga bostirib bordi

Polisiya 19 iyul kuni Los-Anjelesda (Kaliforniya) olomon orasiga avtomobilda bostirib kirgan erkak buni qasddan qilgan deb hisoblamoqda.

Bu haqda The New York Times (NYT) xabar bermoqda.

Haydovchi shifoxonada, u o‘q jarohati bilan u yerga olib ketilgan. Mashina olomon orasiga bostirib kirganidan keyin guvohlardan biri uni otib tashlagan.

Otishma sodir etgan shaxs hozircha aniqlanmagan. Hozircha mashinani boshqarayotgan shaxsning ismi oshkor etilmagan.

Hodisa oqibatida kamida 30 kishi jarohatlangan. Shifokorlar ulardan ba’zilarining ahvolini og‘ir deb baholamoqda.