Rossiya tashqi ishlar vaziri Sergey Lavrov AQSh Davlat kotibi Marko Rubio bilan telefon orqali suhbatlashdi.
Bu haqda Rossiya Tashqi ishlar vazirligi bayonotida aytilgan.
Ta’kidlanishicha, Rossiya prezidenti Vladimir Putinning ko‘rsatmasi bilan Lavrov Amerika tomoniga Rossiya Qurolli Kuchlari Kiyevdagi Ukraina Qurolli Kuchlari tomonidan foydalaniladigan ob’ektlarga, shuningdek, tegishli qaror qabul qilish markazlariga tizimli va izchil zarbalar berayotgani haqida rasman xabar bergan.
"Qo‘shma Shtatlarga, Kiyevda vakolatxonalari bo‘lgan boshqa davlatlar bilan birgalikda, o‘z diplomatik xodimlari va boshqa fuqarolarini Ukraina poytaxtidan evakuasiya qilishni ta’minlash tavsiya etiladi", deyiladi bayonotda.
Vazir 2025 yil avgust oyida Ankorijda AQShning taklifi bo‘yicha Rossiya-Ukraina mojarosi bo‘yicha eng yuqori darajada erishilgan kelishuvlarning dolzarbligini yana bir bor ta’kidladi.
Tashqi ishlar vazirliklari rahbarlari, shuningdek, Hormuz bo‘g‘ozidagi inqirozni va Kuba atrofidagi vaziyatni hal qilish bo‘yicha diplomatik tashabbuslarni baholashdi.
"Lavrov va Rubio, ma’lum kelishmovchiliklarga qaramay, bir-birining hududidagi Rossiya va AQSh diplomatik vakolatxonalarining ish sharoitlarini normallashtirish bo‘yicha sa’y-harakatlarni kuchaytirishga o‘zaro sodiqliklarini tasdiqladilar", deyiladi bayonotda.
Maktablarda «So‘nggi qo‘ng‘iroq» tadbirlari qachon o‘tkazilishi ma’lum bo‘ldi
Eron 57 ta musulmon davlatidan iborat “Islom NATOsi” ni tuzishga chaqirdi
Prezidentning yangi qarori qabul qilindi
