La Liga. "Barselona" Madridda ochko yo‘qotdi

Ispaniya chempionatining 3-turida "Barselona" safarda "Rayo Valyekano"ga qarshi bahs olib bordi va 1:1 hisobida durang qayd etdi.

Lamin Yamalning penaltidan urgan goliga mezbonlar Frana Peresning aniq zarbasi bilan javob qaytardi.

Bu o‘yindan so‘ng "Barselona" 7 ochko bilan turnir jadvalida to‘rtinchi o‘rinda bormoqda, kataloniyaliklar keyingi o‘yinni 14 sentyabr kuni "Valensiya"ga qarshi o‘tkazadi. "Rayo Valyekano" 4 ochko bilan 10-pog‘onadan joy olgan, jamoa keyingi turda 14 sentyabr kuni "Osasuna"ga qarshi bahs olib boradi.