Kreml: Ukraina bilan yangi muzokaralar bosqichiga to‘siq yo‘q

Rossiya prezidenti matbuot kotibi Dmitriy Peskovning ma’lum qilishicha, Ukraina bo‘yicha yangi muzokaralar raundini o‘tkazish masalasi texnik darajada muhokama qilinmoqda va hozircha aniq sanalar belgilanmagan.

«Hech qanday to‘siq yo‘q. Faqatgina barcha rasmiy jarayonlarni bosqichma-bosqich o‘tish kerak. Har ikki tomon ham yangi muzokara raundi bo‘yicha taklif etiladigan sanalarni kutmoqda», — dedi Kreml vakili.

Shu bilan birga, Peskov Rossiya tomoni tayyorlagan memorandum mazmuni Ukraina bilan muhokama qilinmagani va bu borada ochiq ma’lumot bermasligini ham ta’kidladi.