KONKAKAF Oltin kubogi-2025 guruh bosqichiga qur’a tashlandi

Mayamida 2025 yilgi KONKAKAF Oltin kubogi guruh bosqichiga qur’a tashlash marosimi bo‘lib o‘tdi.

Turnirda to‘rt guruhga bo‘lingan 16 ta terma jamoa ishtirok etadi. Musobaqa 14 iyundan 6 iyulga qadar AQSh va Kanadada 14 ta stadionda, jumladan, JCH-2026 o‘tkaziladigan beshta arenada bo‘lib o‘tadi.

“A” guruhi: Meksika, Kosta-Rika, Surinam, Dominikan Respublikasi

"B" guruhi: Kanada, Gonduras, Salvador, Kyurakao

"C" guruhi: Panama, Yamayka, Gvatemala, Gvadelupa

"D" guruhi: AQSH, Gaiti, Trinidad va Tobago, Saudiya Arabistoni

Ochilish o‘yini Los-Anjelesdagi SoFi Stadiumda bo‘lib o‘tadi.