Kongo Demokratik Respublikasida Ebola virusidan vafot etganlar soni 86 kishiga yetdi

Kongo Demokratik Respublikasida (KDR) Ebola isitmasidan laboratoriya tomonidan tasdiqlangan o‘lim holatlari soni 86 taga yetdi.

Bu haqda mamlakat Sog‘liqni saqlash vazirligi o‘zining kundalik byulletenida e’lon qildi.

So‘nggi 24 soat ichida kasallikdan yana olti kishi vafot etdi. Ebola virusi bilan kasallanishning tasdiqlangan holatlari soni 488 taga yetdi. 5 iyun oqshomiga kelib, bu ko‘rsatkich 452 tani tashkil etdi.

Vazirlik virusning yanada tarqalishining oldini olish uchun faol choralar ko‘rilayotganini ta’kidlamoqda. Rasmiylar hozirgi epidemiya markazi bo‘lgan Ituri provinsiyasida tibbiy izolyasiya muassasalarining quvvatini oshirmoqda. U yerga tibbiy va yordamchi xodimlar uchun qo‘shimcha shaxsiy himoya vositalari ham yuborilmoqda.

KDR va Uganda hukumatlari 15 may kuni Ebola epidemiyasi boshlanganini rasman e’lon qilishdi. Mutaxassislarning hisob-kitoblariga ko‘ra, hozirgi epidemiya Ebola virusi 1976 yilda birinchi marta aniqlanganidan beri eng katta va eng xavfli epidemiyalardan biri hisoblanadi.