Kirshehirdagi "Yapon bog‘i" o‘zining tabiiy go‘zalligi bilan maftun etadi.
Turli xil rangdagi daraxtlar, o‘simliklar, baliqlarni o‘zida mujassam etgan “Yapon bog‘i” o‘zining tabiiy go‘zalligi bilan barchani hayratga soladi.
Kaman tumanida joylashgan “Yapon bog‘i” har bir faslda rang-barang tus oladi. Yapon arxeologlari Yaponiyadan olib kelgan o‘simliklar Kirshehirda yaratilgan tabiiy manzaraga go‘zallik qo‘shadi.
Kuz faslida, ayniqsa, “Yapon bog‘i” turli ranglarni o‘zida mujassamlashtiradi. Ba’zi daraxtlar yashil barglarini saqlab qolsa, boshqalari sariq, to‘q sariq va binafsharang barglari bilan betakror manzara yaratadi.
Daraxtlardan to‘kilgan barglar ham bog‘ga ko‘rk qo‘shadi. Sumeru tog‘ining miniatyurasi joylashgan bog‘da mini sharshara va ko‘plab mitti o‘simliklar, daraxtlar va hovuzlar mavjud.
Evropa arxitektura va shahar dizayni san’at tadqiqotlari markazi va Chikago kutubxonasi tomonidan "Eng yaxshi yashil dizayn" mukofotiga sazovor bo‘lgan "Yapon bog‘i" Yaponiya chegaralaridan tashqaridagi eng katta botanika bog‘laridan biridir. Mintaqada tashkil etilgan bog‘, muzey va institut Kaman tumanidan 7 kilometr uzoqlikda joylashgan va Yaponiya Tashqi ishlar vazirligi tomonidan qo‘llab-quvvatlangan "Kalehöyük arxeologiya muzeyi" va Yapon bog‘iga ko‘plab xorijlik sayyohlar tashrif buyurmoqda.
1993 yilda Yaponiya Yaqin Sharq madaniyat markazi tomonidan altes shahzodasi Takahito Mikasaning Kalehöyuk qazish ishlarini xotirlash va mintaqa aholisi uchun dam olish maskani yaratish maqsadida yaratilgan bog‘ har mavsumda o‘zgacha go‘zallikka ega bo‘lmoqda. Bog‘da jami 3 mingta yirik va 14 mingta kichik daraxt bor.
Turkiyada sayohat qilishni istaganlarga, albatta, “Yapon bog’i”ga borishni tavsiya qilamiz. Bu bog’ sizga unutilmas lahzalarni hadya qilishi shubhasiz.
