Madridning «Real» klubi va Fransiya terma jamoasi hujumchisi Kilian Mbappening onasi Fayza Lamari Fransiyada ehtimoliy korrupsiya holati yuzasidan olib borilayotgan tergov doirasida so‘roq qilindi.
Lamari Fransiya terma jamoasi xavfsizlik xizmatining sobiq rahbari Muhammad Sanhajidan to‘rtta viza olishda yordam berishni so‘raganlikda gumon qilinmoqda.
The Touchline nashri L’Equipe ma’lumotlariga tayanib xabar berishicha, Fayza Lamariga hozircha rasmiy ayblov e’lon qilinmagan. Ayni paytda Mbappening onasi mazkur ish bo‘yicha guvoh maqomida ishtirok etmoqda.
Tergov doirasida Kilian Mbappening o‘zi ham so‘roq qilingan.
Tergovchilar futbolchi tomonidan Muhammad Sanhajiga amalga oshirilgan 60 300 yevrolik to‘lovni o‘rganmoqda.
Ronalduning sevgilisi Messining oilasiga uchta so‘z bilan murojaat qildi
«Oltin to‘p»-2026 uchun asosiy da’vogar nomi ma’lum bo‘ldi
«Barselona» futbolchisini 500 million yevroga sotmoqchi
