Kiyev Trampning tinchlik rejasini imzolamaydimi?

Financial Times nashrining Ukraina rasmiylariga tayanib xabar berishicha, Qo‘shma Shtatlar Ukraina prezidenti Vladimir Zelenskiydan 27-noyabrgacha “tinchlik rejasi”ni imzolashini kutmoqda, shundan so‘ng hujjat Moskvaga topshiriladi.

Ukrainaning BMTdagi vise-vakili Kristina Gayovishinning aytishicha, Kiyev Trampning tinchlik rejasini imzolamaydi:

— Ukraina mojaroni tugatish uchun mazmunli muzokaralarga, jumladan, rahbariyat darajasida muzokaralarga tayyor, ammo Kiyevning "qizil chiziqlari" "aniq va o‘zgarmas";

— Ukraina yerlari sotilmaydi;

— Ukraina o‘zini himoya qilish huquqiga yoki Ukraina Qurolli Kuchlarining hajmi va imkoniyatlariga hech qanday cheklovlarni qabul qilmaydi;

— Kiyev o‘z suverenitetining buzilishiga, jumladan, qo‘shilishni istagan ittifoqlarni tanlash huquqiga toqat qilmaydi;

— Har qanday tinchlik jarayoni «Ukrainasiz Ukraina va Yevropasiz Yevropa bo‘lmasligi» prinsipiga rioya qilishi kerak.