“Xitoyliklar bizni bosib olish uchun emas, zavodlar qurish uchun kelgan”

Qirg‘iziston prezidenti Sadir Japarov xitoylik quruvchilarga nisbatan tanqidiy fikrlarga munosabat bildirdi.

Bu haqda siyosatchi Pervomaysk tumani aholisi bilan uchrashuvda ma’lum qildi. Japarovning so‘zlariga ko‘ra, ayrimlar Xitoy fuqarolari haddan tashqari ko‘payib ketganini aytib, xalqni gij-gijlashga urinmoqda.

“Biroq ular bizni bosib olish uchun emas, balki zavodlar hamda temir yo‘l qurishga kelgan. Bularning barchasi bizga zarur. Biz g‘orda yashagandek yashay olmaymiz. 2030-yildan boshlab temir yo‘l orqali jahon bozorlariga chiqamiz, tranzit imkoniyatiga ega bo‘lamiz”, dedi Qirg‘iziston rahbari.