Kiyev Minskning taklifini rad etdi

Ukraina Tashqi ishlar vazirligi Belarus tomonining tinchlik muzokaralarida ishtirok etish tashabbusini rad etdi.

Ukraina Tashqi ishlar vazirligining Telegram-kanalidagi xabarda aytilishicha, ular Minskdan qilingan bayonotni «hayrat bilan qabul qilishgan».

Bir kun avval Belarus tashqi ishlar vaziri o‘rinbosari Yuriy Ambrazevich Minsk Ukraina bo‘yicha tinchlik muzokaralarida ishtirok etishga da’vogarligini va yakuniy kelishuvlarda uning manfaatlari hisobga olinishi kerakligini aytdi. U Belarus tomoni Ukrainadagi eskalasiyaning oldini olish uchun tinchlikparvar choralar ko‘rganini eslatdi, shuningdek, Minsk uchun o‘z xavfsizligi kafolatlarini olish muhimligini ta’kidladi.