Kapadze CAFA Nations Cup-2025 musobaqasiga 35 futbolchini jalb qildi (+ro‘yxat)

O‘zbekiston milliy terma jamoasi 26 avgust kuni navbatdagi o‘quv-mashg‘ulot yig‘inlariga kirishadi.

Timur Kapadze “CAFA Nations Cup-2025” turniriga bag‘ishlangan yig‘in uchun kengaytirilgan tarkibni e’lon qildi. Undan 35 nafar o‘yinchi o‘rin oldi.

Jaloliddin Masharipov va Rustam Ashurmatov jarohat sababli turnirda ishtirok eta olmaydi. Legionerlar FIFA kunlari boshlangach kelib qo‘shilishadi. Shu sababli har o‘yin uchun qaydnoma o‘zgarib turishi mumkin.

Eslatib o‘tamiz, jamoamiz musobaqadagi ishtirokini 30 avgust kuni O‘monga qarshi o‘yin bilan boshlaydi.