Angliya bankining sobiq gubernatori Mark Karni Kanadaning hukmron Liberal partiyasining yangi rahbari etib saylandi. U 9-mart kuni bo‘lib o‘tgan ichki partiyaviy ovoz berishda 86 foiz ovoz olib, sobiq moliya vaziri Kristia Friland, Jamoatlar palatasida hukumat rahbari Karina Gould va tadbirkor Frenk Beylisni ortda qoldirdi. Karni endi bosh vazir lavozimida Jastin Tryudo o‘rnini egallaydi.
Karni Donald Trampning iqtisodiy bosimi ostida Kanadaning AQShga savdo qaramligini kamaytirish tarafdori.
“Amerikaliklar bizning resurslarimiz, suvimiz, yerimiz va mamlakatimizga muhtoj. Agar ular muvaffaqiyatga erishsalar, bizning hayot tarzimizni barbod qilishadi”, dedi Karni.
U Yevropa va Osiyo bilan aloqalarni mustahkamlash va o‘rta sinf uchun soliqlarni kamaytirish, byurokratiyani qisqartirish va sarmoyani rag‘batlantirish uchun iqtisodiyotni tubdan qayta ko‘rib chiqishni rejalashtirmoqda.
Kanadani 2015-yildan beri boshqarib kelayotgan Tryudo mamlakatga yangi tanlovlar kerakligini aytib, 6 yanvar kuni iste’foga chiqishini e’lon qildi. Xayrlashuv nutqida u Vashington bilan savdo va siyosiy kelishmovchiliklarga ishora qilib, Qo‘shma Shtatlardan "ekzistensial chaqiruv" haqida ogohlantirdi.
Tryudoning mashhurligi iqtisodiy muammolar, narxlarning ko‘tarilishi, uy-joy inqirozi va immigrasiya mojarolari tufayli keskin tushib ketdi.
Xitoy Ukraina urushiga qo‘shilishi mumkin
Xitoy AQSh bilan urushga tayyor. Nimalar bo‘lyapti?
Lavrov: Ukrainaga tinchlikparvar kuchlarni kiritish Rossiya bilan to‘g‘ridan-to‘g‘ri urush
