Kamchatkada yilning shu davrida sayyohlar orasida ayniqsa mashhur bo‘lgan yetti yo‘nalish Kamchatkada seysmik faollik kuchayganligi sababli yopilgan.
Bu haqda "Kamchatka vulqonlari" tabiiy bog‘lar tarmog‘i ma’lum qildi.
"Seysmik faollik va tosh qulashi xavfi tufayli quyidagi yo‘nalishlarni vaqtincha yopish to‘g‘risida qaror qabul qilindi: Goreli vulqoni, Opasniy kanyoni, Mutnovskiy vulqoni etagi, Goreli vulqon g‘orlari, Avachinskiy vulqoni, Kozelskiy vulqoni, Verblyud ekstruziyasi", — deyiladi tabiiy bog‘lar tarmog‘i xabarida.
Hozirda Klyuchevskaya Sopka vulqoni otilayotgan Klyuchevskoy parki ochiq, ammo vulqonga yaqinlashish taqiqlangan.
30 iyul kuni ertalab Kamchatka qirg‘oqlarida kuchli zilzila sodir bo‘ldi. Bu 1952 yildan beri eng kuchlisi bo‘ldi. Rasmiy ma’lumotlarga ko‘ra, uning magnitudasi 8,8 ga etgan. Kamchatkada yuqori ogohlantirish rejimi e’lon qilindi. Ertalab Severo-Kurilskda ham kuchli zilzila sezildi, shundan so‘ng sunami to‘lqinlari yetib keldi. Zilzila Tinch okeanida sunamiga ham sabab bo‘ldi, uning xavfi Yaponiya, AQSh va Filippin hukumati tomonidan e’lon qilindi.
Maktablarda 1 sentyabrdan smartfondan foydalanish taqiqlanadi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
AQSh Kongressiga nomzod Valentina Gomes Qur’onni yoqib yubordi
