Rossiyaning Kabardino-Balkariya hududidagi Bezengi darasida joylashgan Mijirgi tog‘ida qor ko‘chkisi sodir bo‘lib, 11 nafar alpinist halok bo‘ldi. Yana olti kishi jarohat olgan va shifoxonaga yotqizilgan. Bu haqda Rossiya Favqulodda vaziyatlar vazirligining mintaqaviy matbuot xizmati xabar berdi.
Yangilangan ma’lumotlarga ko‘ra, 10 nafar alpinist mustaqil ravishda tog‘dan pastga tushishga muvaffaq bo‘lgan. Yana olti kishining taqdiri hozircha noma’lum.
Ma’lumotlarga ko‘ra, guruhda jami 33 kishi bo‘lgan. 6 sentyabr kuni kechqurun Mijirgi tog‘i hududida harakatlanayotgan 15 nafar alpinistdan iborat guruh qor ko‘chkisi ostida qolgan. Dastlab ikki kishi halok bo‘lgani ma’lum qilingan edi.
Qidiruv-qutqaruv ishlariga Rossiya Favqulodda vaziyatlar vazirligining Elbrus baland tog‘ qidiruv-qutqaruv guruhi hamda Kabardino-Balkariya Favqulodda vaziyatlar vazirligi bosh boshqarmasining tezkor guruhi jalb qilingan.
Ayni paytda qidiruv-qutqaruv ishlari davom etmoqda.
Rossiya Tergov qo‘mitasi alpinistlarning halok bo‘lishi yuzasidan beparvolik bilan bog‘liq jinoiy ish qo‘zg‘atib, tergov olib bormoqda. Kabardino-Balkariya prokuraturasi esa hodisa holatlarini tekshirishni nazorat qilmoqda.
Rossiyada bir hafta ichida kasallanganlar soni qariyb 1 millionga yetdi
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
