JSST: "Kongo Demokratik Respublikasida Ebola virusidan o‘lim holatlari soni 177 kishiga yetdi"

Kongo Demokratik Respublikasida Ebola virusi bilan kasallanishning deyarli 750 ta gumon qilingan holati qayd etilgan.

Jahon sog‘liqni saqlash tashkiloti (JSST) bosh direktori Tedros Adxanom Gebreyesus ijtimoiy tarmoqlarda shunday deb yozdi.

U shuningdek, kasallik bilan bog‘liq 177 ta gumon qilingan o‘lim holati qayd etilganini ma’lum qildi.

"KDRdagi Ebola bilan bog‘liq vaziyat juda xavotirli. Hozirda 82 ta holat va yettita o‘lim tasdiqlangan. Biroq, biz KDRdagi epidemiya ko‘lami ancha katta ekanligini bilamiz. Hozirda qariyb 750 ta gumon qilingan holat va 177 ta gumon qilingan o‘lim holatlari mavjud. Kuzatuv tizimlari va laboratoriya sinovlari yaxshilanishi bilan bu raqamlar o‘zgarishi mumkin", deb ta’kidladi u.

Tedros Adxanom Gebreyesus shuningdek, JSST yordam ko‘rsatish uchun epidemiya markazi bo‘lgan KDRning Ituri shahriga qo‘shimcha kuchlar yuborganini e’lon qildi.