Jizzaxda vagonda selfiga tushmoqchi bo‘lgan o‘smirni tok urdi

Jizzax viloyatining G‘allaorol tumanida o‘smir yigitni vagon ustida tok urdi, deb xabar bermoqda Millar informasion dasturi.

Hodisa 24 aprel kuni Marjonbuloq temir yo‘l stansiyasida sodir bo‘lgan. Aniqlik kiritilishicha, 7-sinfda o‘qiydigan 14 yoshli o‘quvchi rasmga tushish maqsadida vagon ustiga chiqqan va natijada uni tok urgan.

Jabrlanuvchi shifoxonaga yetkazilib, jonlantirish bo‘limiga yotqizilgan. O‘smirda tanasining 35–40% qamrab olgan ikkinchi va uchinchi darajali kuyish tashxisi qo‘yilgan.

Mazkur holat yuzasidan tergovga qadar tekshiruv harakatlari olib borilmoqda.