Zelenskiy Rossiyaning 5 mayga o‘tar kechasi Ukrainaga bergan zarbalariga munosabat bildirdi. Poltava viloyatida ushbu hujumlar oqibatida to‘rt kishi halok bo‘ldi. Yana bir kishi Xarkov viloyatida hayotdan ko‘z yumdi.
"Targ‘ibot bayramlarini o‘tkazish uchun sukunat so‘rab, 9 maygacha bo‘lgan barcha kunlarda bunday raketa va dron zarbalarini berish — mutlaq pastkashlikdir. Rossiya har kuni o‘t ochishni to‘xtatishi mumkin va bu urushni hamda bizning javob qaytarishimizni to‘xtatadi. Tinchlik kerak va buning uchun real qadamlar lozim. Ukraina ham mos ravishda javob qaytaradi", — deydi Zelenskiy.
Avvalroq Rossiya Mudofaa vazirligi 8 va 9 may kunlari uchun ikki kunlik sukunat e’lon qilgan edi. Bunga javoban Zelenskiy 6 maydan boshlab "sukunat rejimi"ni joriy etishini aytdi.
"Biz uchun inson hayoti har qanday yillik bayram tantanalaridan ko‘ra cheksiz darajada yuqori qadriyatdir", — deya qo‘shimcha qildi u.
Himolayda 2021 yilda yo‘qolgan rossiyalik talaba yildan keyin Nepaldagi baland tog‘li buddaviy monastirda topildi
Serxio Aguero: «Abduqodir Husanov shu darajani 3-4 yil saqlab qolsa, dunyoning eng yaxshi himoyachilaridan biriga aylanishi mumkin»
«Urushmoqchimisan?» Zelenskiyning Belarusga yo‘llagan tahdidi G‘arbni hayratda qoldirdi
