Bosh prokuratura huzuridagi Departamentning Jizzax shahar bo‘limi tomonidan DXX bilan hamkorlikda AT “Xalq banki” Jizzax viloyati filialining murojaatiga asosan o‘tkazilgan tergovga qadar tekshiruvda, fuqaro A.S. boshqa bir fuqaro T.ning ishonchiga kirib, uning nomiga yakka tartibdagi tadbirkorlik faoliyatini tashkil etib, bank filialidan 150 mln so‘m kredit ajratilishiga erishib, kredit mablag‘i evaziga maishiy texnika va jihozlar sotib olib, o‘zganing mulkini firibgarlik yo‘li bilan qo‘lga kiritganligi aniqlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.