Jazoir BAA bilan havo transporti shartnomasini bekor qilish jarayonini boshladi.
Bu haqda Jazoirning Algérie Presse Service axborot agentligi xabar berdi.
"Jazoir Xalq Demokratik Respublikasi va Birlashgan Arab Amirliklari o‘rtasidagi 2013 yil 13 mayda Abu-Dabida imzolangan va 2014 yil 30 dekabrda prezident farmoni bilan tasdiqlangan havo transporti shartnomasini bekor qilish uchun zarur choralar ko‘rilmoqda", deyiladi bayonotda.
Agentlikning ta’kidlashicha, kelishuv shartlariga muvofiq, Jazoir tomoni BAAni diplomatik kanallar orqali kelishuvning bekor qilinishi haqida xabardor qiladi va shuningdek, zarur rasmiyatchiliklarni bajarish uchun Xalqaro fuqaro aviasiyasi tashkiloti bosh kotibiga xabar beradi. Agentlik bu qarorning sabablarini keltirmadi.
Hozirda Jazoir va Dubay o‘rtasida har kuni to‘g‘ridan-to‘g‘ri reyslar amalga oshiriladi.
Ta’kidlanishicha, so‘nggi yillarda Jazoir BAAni mamlakat va mintaqani beqarorlashtiradigan harakatlarni qo‘llab-quvvatlashda bir necha bor ayblagan. Xususan, Jazoir BAA Sahel mintaqasidagi ayrim guruhlarga moliyaviy va siyosiy yordam ko‘rsatayotganini da’vo qilgan.
Qoraqalpog‘istondagi “Borsakelmas” qo‘riqxonasi fotoqopqoniga qoraquloq muhrlandi
"Shayton trusik": Instagramda ichki kiyimlarini behayo reklama qildirgan tadbirkorning ishi sudga oshirildi
“Uch dara” — dunyodagi eng katta quvvatga ega to‘g‘on
