JAR siyosatchisi Julius Malema 5 yillik qamoq jazosiga hukm qilindi

"Iqtisodiy erkinlik uchun kurashchilar" (EFF) partiyasi yetakchisi Julius Malema 2018 yilgi mitingda o‘qotar quroldan noqonuniy foydalanganlikda aybdor deb topildi. Sud uni ommaviy tadbirda havoga o‘q uzgani uchun 5 yilga ozodlikdan mahrum qildi. Malemaning advokatlari qurol aslida "o‘yinchoq" bo‘lganini da’vo qilib, hukm ustidan apellyasiya berishdi.

Agar jazo o‘z kuchida qolsa, 45 yoshli siyosatchi parlamentdagi o‘rnidan va siyosiy ta’siridan mahrum bo‘lishi mumkin. Tahlilchilarning fikricha, bu voqea mamlakatdagi to‘rtinchi yirik partiya hisoblangan EFF uchun jiddiy inqirozni keltirib chiqaradi, chunki partiyada Malemaning o‘rnini bosadigan voris yo‘q.