Qirg‘iziston prezidenti Sadir Japarov «Kabar» agentligiga bergan intervyusida Qirg‘izistonda milliarderlar va 200 millioner yashayotganini, ularning mablag‘larining katta qismi ofshorlarda saqlanayotganini aytdi.
Uning so‘zlariga ko‘ra, jinoiy daromadlarni legallashtirish bo‘yicha qabul qilingan qonunga qaramay, ularning hammasi ham kapitalni o‘z vataniga qaytarish imkoniyatidan foydalanmagan.
Qisman olib kelib, qurilish sohasiga pul tikayotganlar ham bor. Men ularga: «[pulni] olib kelishdan qo‘rqmanglar, loyihalarda ishtirok etinglar», deb aytardim. Biz [tashabbuschilarni] tarafdor va muxolifatga ajratmasdan, iqtisodiyot va davlatga foyda keltiradigan loyihalarni qo‘llab-quvvatlashga tayyormiz, — dedi Japarov.
Mamlakat taraqqiyotiga sarmoya kiritishga tayyor bo‘lganlarga davlat yordam berishga tayyorligini ta’kidladi.
Misol tariqasida Japarov 20 million dollarlik mulkni o‘zi qonuniylashtirganini aytdi. U Bishkekdagi 2005 yildan 2010 yilgacha qurilgan binoni qonuniylashtirganini qayd etdi.
Prezident 2023 yil iyun oyida «Jismoniy shaxslarning mol-mulkini ixtiyoriy ravishda legallashtirish va amnistiya qilish to‘g‘risida»gi qonunni imzolagan edi.
Rasmiylar uning maqsadini ixtiyoriy deklarasiyalashning huquqiy mexanizmini yaratish orqali mulk va daromadlarni qonuniy muomalaga jalb qilish ekanligini tushuntirdi.
Dunyodagi eng katta havo kuchlariga ega 5 ta davlat
Meni Falastin masalasi tashvishga solayotgani yo‘q, lekin mening xalqim xavotirda
Ukrainada 3000 qozoq halok bo‘ldi
