Eron tomonidan qo‘llab-quvvatlanayotgan Yaman husiylari kecha, 14 sentyabr kuni Saudiya Arabistoniga yangi raketa va dron hujumlarini amalga oshirib, mintaqadagi vaziyatni yanada keskinlashtirdi, deya xabar bermoqda Reuters.
Qayd etilishicha, husiylar Saudiya Arabistoni janubidagi Xamis-Mushayt shahrida joylashgan harbiy havo bazasiga raketa va dronlar orqali hujum qilgan. Hujum oqibatida 13 nafar tinch aholi jarohatlangan.
Hujumlar Saudiya Arabistonining muhim Sharq – G‘arb neft quvuriga yetkazilgan zarardan keyin sodir bo‘lgan. Mazkur quvur Ho‘rmuz bo‘g‘ozini chetlab o‘tish imkonini beruvchi muhim yo‘nalishlardan biri bo‘lib, uning uzoq vaqt ishlamay qolishi jahon neft ta’minotining 4 foizigacha ta’sir qilishi mumkin.
Husiylar, shuningdek, Yamanning Qizil dengiz sohilidagi hududlari, jumladan, Bob al-Mandab bo‘g‘ozi yaqinidagi Perim oroli ustidan nazoratni mustahkamlamoqda. Bu esa mintaqadagi taranglikni kuchaytirib, neft eksporti va dengiz orqali yuk tashish yo‘llariga tahdidni oshirmoqda.
Buqa 300 ming dollarga sotildi
Nikoh yoshiga yetmaganlarga faqatgina ikkita uzrli sabab bilan oila qurishga ruxsat beriladi
"SI shu o‘n yillik oxiriga kelib barchamizni o‘ldirishi mumkin"
