Janubiy Sudanda uyushtirilgan hujumda ikki nafar BMT tinchlikparvari halok bo‘ldi

Janubiy Sudanning Jongley shtatida patrulga qilingan hujumda ikki BMT tinchlikparvari halok bo‘ldi.

Bu haqda Janubiy Sudandagi BMT missiyasi (UNMISS) bayonot berdi.

Xabarga ko‘ra, hujum noma’lum qurolli hujumchilar tomonidan patrul Pajut qishlog‘iga ketayotgan paytda amalga oshirilgan. Yana yetti kishi, jumladan, uchta tinchlikparvar, Janubiy Sudan Milliy polisiya xizmatining ikki xodimi va ikki fuqarolik xodimi jarohatlangan.

UNMISS hududda xavfsizlik va yordam ko‘rsatish uchun tezkor kuchlarni safarbar qildi.

UNMISS missiyasi rahbari Anita Kiki Gbexo Janubiy Sudanda tinchlikni saqlash uchun ishlayotgan BMT xodimlariga qilingan hujumni qabul qilib bo‘lmaydigan holat deb atadi. U tezkor tergov o‘tkazishga chaqirdi va BMT tinchlikparvarlariga qilingan hujumlar xalqaro huquqqa ko‘ra urush jinoyati bo‘lishi mumkinligini ta’kidladi.

UNMISS Janubiy Sudanda jamoatlararo to‘qnashuvlar va hukumat kuchlari ishtirokidagi mojarolar bilan bog‘liq beqarorlik sharoitida faoliyat yuritmoqda.