Ukraina prezidenti Vladimir Zelenskiy AQShning Rossiya-Ukraina urushiga nisbatan munosabati o‘zgarganini ma’lum qildi. U bu haqda Ukraina Mustaqillik kuni munosabati bilan xalqqa yo‘llagan tabrigida gapirdi.
«AQShda Rossiya haqiqatan ham bu urushni tugatishni xohlayaptimi, degan masalada barcha illyuziyalar yo‘qolganidan xursandman. Amerikada Rossiyaga nisbatan barcha qarama-qarshiliklar va qo‘rquvlar ham yo‘qolishiga ishonaman», — dedi Zelenskiy.
Ukraina rahbarining fikricha, Rossiyani muzokaralar stoliga o‘tirishga majburlash uchun unga nisbatan sanksiya bosimini kuchaytirish zarur. Shuningdek, u mojaroni yakunlash uchun Ukrainaga xalqaro yordamni davom ettirish muhimligini ta’kidladi.
Zelenskiy Ukraina mudofaa-sanoat majmuasining ahamiyatiga ham to‘xtalib, mamlakatda ishlab chiqarilayotgan «Flamingo» raketalarini alohida qayd etdi. Ukraina tomoni ushbu raketalardan Rossiya hududidagi uzoq masofada joylashgan ob’ektlarga zarba berishda foydalanganini avval ham ma’lum qilgan.
Shuningdek, Zelenskiy Ukrainada raketa va dronlar ishlab chiqarish sur’atini oshirish zarurligini bildirdi. U Rossiyaning harbiy salohiyati va logistika imkoniyatlarini kamaytirish Kiyev strategiyasining muhim yo‘nalishlaridan biri ekanini ta’kidladi.
AQSh elchisi dunyo boshqaruvini yahudiylarga berish taklifi bilan chiqdi
Turkiya Isroilga javob zarbasini rejalashtirmoqdami?
“Islom NATO”siga qo‘shilishni xohlovchilar ko‘paymoqda
