Jahon futbolida inqiroz: UYEFA FIFAni "o‘zini va do‘stlarini boyitishda" ayblamoqda

Evropa futbol assosiasiyalari ittifoqi (UYEFA) Xalqaro futbol assosiasiyalari federasiyasining (FIFA) tijorat huquqlarini sotishni qo‘llab-quvvatlash uchun assosiasiyalarga pul to‘lash rejasini tanqid qildi va futbol hamjamiyati ichida sxemaga qarshilik kuchayib borayotganini ta’kidladi.

Bu haqda UYEFA matbuot xizmatining ijtimoiy tarmoqlardagi bayonotida aytilgan.

"Bugun FIFA assosiasiyalar uchun takliflarni qo‘llab-quvvatlash uchun FIFA tomonidan belgilangan muddatni e’lon qildi, aks holda bir martalik to‘lov taklifi qaytarib olinadi, bu esa ushbu reja haqida ko‘p narsani anglatadi. Biroq, futbol olamidagi ko‘plab manfaatdor tomonlar bilan muzokaralardan so‘ng, UYEFA FIFA sxemasiga jiddiy va tobora ortib borayotgan qarshilik borligini tushunadi", deyiladi bayonotda.

Tashkilot FIFA futboldan "o‘zini va do‘stlarini boyitish uchun" foydalanishda davom eta olmasligini ta’kidladi va assosiasiyalar, klublar, ligalar, o‘yinchilar va muxlislarga ustuvorlik berishga chaqirdi.

FIFAning Jahon chempionati tijorat huquqlaridagi ulushini sotish rejalari kecha e’lon qilindi. FIFA 20 milliard dollarlik sho‘’ba korxona - FIFA Forward Enterprise (FFE)ni tashkil etishni va uning chorak qismini tashqi investorlarga 4,2 milliard dollarga sotishni rejalashtirmoqda. Xalqaro federasiya FIFA Forward Enterprise (FFE)FIFAga tegishli bo‘lishini va uning tijorat va tadbirlarni boshqarish faoliyatini birlashtirishini e’lon qildi.

Keyinchalik Sky News xabar berishicha, FIFA prezidenti Janni Infantino a’zo assosiasiyalarga uning rejasini qo‘llab-quvvatlash uchun 19 sentyabrgacha vaqt bergan xat yuborgan va uni qabul qilish uchun 40 million dollarlik rag‘batlantirish taklif qilgan. Infantino, agar assosiasiyalar uning rejasini qo‘llab-quvvatlamasalar, rivojlanish loyihalari, ommaviy futbol va milliy jamoalar uchun mablag‘ sezilarli darajada kamayishi haqida ogohlantirgan.

UYEFA ilgari Infantinoning huquqlarni sotish rejalarini tanqid qilib, "bizning hech birimiz futbolga egalik qilmaymiz va FIFA uni sotishga haqli emas" deb aytgan edi. Shimoliy, Markaziy Amerika va Karib dengizi mamlakatlari futbol assosiasiyasi (KONKAKAF) bu tashabbus haqida faqat ommaviy axborot vositalaridan bilib olganini va "tegishli jarayonning yo‘qligidan chuqur xavotirda ekanligini" aytdi. Osiyo futbol konfederasiyasi (OFK) loyihani ko‘rib chiqishda ishtirok etmaganini va bu haqda matbuotdan bilib olganini aytdi.