Italiya o‘t o‘chiruvchilari bir necha kundan beri Toskana viloyatida davom etayotgan yirik o‘rmon yong‘iniga qarshi kurashmoqda. Kuchli shamol olovni yanada kengaytirgani sababli 3000 ga yaqin kishi xavfsiz joylarga ko‘chirildi.
Seshanba kuni boshlangan yong‘in Lukka va Piza provinsiyalari chegarasidagi Faeta tog‘ida 800 gektar maydonni qamrab oldi. San-Djuliano-Terme shahri merining RAI telekanaliga ma’lum qilishicha, zaytun daraxtlarining kesilgan shoxlarini yoqish vaqtida olov nazoratdan chiqib ketgani yong‘inga sabab bo‘lgan bo‘lishi mumkin.
Toskana hududi prezidenti Eudjenio Janining ta’kidlashicha, tun davomida esgan kuchli shamol yong‘inni yanada kuchaytirgan, shu sababli ehtiyot chorasi sifatida aholini evakuasiya qilishga qaror qilingan. Hozirda yerdagi guruhlarga ko‘mak berish uchun suv havzalaridan suv olib sepuvchi uchta Canadair samolyoti jalb etilgan.
Lukka meri o‘rinbosari Fabio Barsantining so‘zlariga ko‘ra, yong‘in hamon juda faol va vaziyat shamol yo‘nalishiga bog‘liq bo‘lib qolmoqda, shu sababli hozircha aniq ma’lumot berishning imkoni yo‘q.
«Real» Mbappe bilan xayrlashadimi?
Mojtaba Xomanaiy Putinga maktub yo‘llagani ma’lum bo‘ldi
Xitoy aholisi Fransiya darajasida qisqarishi mumkin: Iqtisodiyot xavf ostida
