Italiyalik shifokor Fabiano di Marko Italiyada koronavirus pandemiyasining keng yoyilishiga sabab qilib futbol uchrashuvini ko‘rsatdi. Bu haqda "Daryo" xabar berdi.
«19 fevral kuni Bergamoning 40 ming aholisi «San-Siro» stadionida kechgan «Atalanta»—«Valensiya» uchrashuvini tomosha qilish uchun Milanga yo‘l oldi. Ular avtobus, mashina, poyezdda yo‘lga chiqdi va bu afsuski, haqiqiy biologik bombaga aylandi», — deydi di Marko.
Italiyada ko‘pchilik shifokor va mutaxassislar Chempionlar Ligasi 1/8 final ilk bahsidan o‘rin olgan mazkur o‘yin Italiyada, xususan Lombardiya hududida koronavirusning keng yoyilishiga sabab bo‘lgan deb hisoblamoqda.
Italiya favqulotda holatlarni o‘rganish va bartaraf qilish deportamenti — Protezione Civile ham mamlakatdagi ayanchli vaziyatga mazkur uchrashuvni sababchi qilib ko‘rsatmoqda.
Eslatib o‘tamiz, «Atalanta» 19 fevral kungi «Valensiya»ga qarshi bahsni (4:1) Bergamoda emas, Milanda o‘tkazgandi. Keyinchalik har ikki klubda ham koronavirusga chalinish holatlari kuzatildi.
Ukraina prezidenti Rossiya bilan muzokaralarga tayyor ekanini aytdi
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
Zelenskiy Ukraina mudofaasi qulaganini tan oldi
