Livan janubida Isroil aviazarbasi oqibatida o‘n bir kishi halok bo‘ldi va sakkiz kishi jarohat oldi.
Mehr axborot agentligi xabar berishicha, bu haqda Livan Sog‘liqni saqlash vazirligi ma’lum qildi.
Ma’lumotlarga ko‘ra, Isroilning Livan janubidagi Maruf, Abbasiya va Teyr Dabba qishloqlariga havo hujumlari natijasida 11 kishi, jumladan, bitta qutqaruvchi halok bo‘ldi va sakkiz kishi jarohat oldi.
Shuningdek, Isroil Qalaviya va Tulin qishloqlariga ikkita havo hujumi uyushtirgani va An-Nabatiya mintaqasidagi Xaruf qishlog‘i artilleriya o‘qlariga uchragani qayd etildi.