Isroilning ikki vaziri G‘azoda o‘t ochishni to‘xtatish bo‘yicha kelishuvga qarshi chiqmoqda

HAMAS bilan sulh bitimi imzolanishiga Isroil Moliya vaziri Besalel Smotrich va Milliy xavfsizlik vaziri Itamar Ben-Gvir qarshi chiqmoqda. Ultrao‘ng qarashlarga ega ushbu siyosatchilar G‘azodagi harbiy operasiyani qo‘llab-quvvatlash tarafdorlari hisoblanadi.

Ben-Gvir va Smotrich agar Isroil HAMASni batamom yo‘q qilish maqsadidan qaytadigan bo‘lsa, iste’foga chiqish bilan tahdid qilmoqda. Siyosatchilar shunday yo‘l tutadigan bo‘lsa, Isroil navbatdagi siyosiy inqirozga yuz tutishi mumkin. Ularning rahbarligidagi ikki partiyasiz hukmron koalisiya parlamentdagi ko‘pchilik o‘ringa egalik qila olmasligi va parchalanishi mumkin.