Isroilning G‘azoga hujumi oqibatida 13 falastinlik halok bo‘ldi

Isroil armiyasining 3 sentyabr kuni ertalabdan buyon G‘azo sektoriga qilgan hujumlarida 13 nafar falastinlik, jumladan, homilador ayol va uning bolasi halok bo‘ldi.

Kasalxona manbalari va guvohlarning so‘zlariga ko‘ra, Isroil harbiylari G‘azo shahri hamda anklavning shimoliy va janubiy hududlaridagi uylar, chodirlar va tinch aholi to‘planadigan joylarga zarba bergan.

G‘azo shahri g‘arbidagi Sayyadin porti yaqinidagi uyga qilingan havo zarbasi oqibatida besh falastinlik, shu jumladan homilador ayol halok bo‘ldi. Deraj hududidagi uyga vertolyot hujumida yana uch kishi halok bo‘ldi.

Shuningdek, Nasr mahallasdagi Rantisi kasalxonasi yaqinida ko‘chirilgan falastinliklar joylashgan chodirlarga berilgan zarbalar natijasida ko‘plab odamlar yaralandi. Isroil harbiy samolyotlari Nasr tumanidagi turar-joy binolarini ham nishonga oldi.

Isroil armiyasi G‘azo shahri shimoli-g‘arbidagi Shayx Ridvan hududida uylarni portlatishda davom etmoqda. Hududdagi bozordagi savdo rastalari ham vertolyotlar tomonidan nishonga olinib, yonginlar kelib chiqdi. Janubdagi Zaytun va Sabra hududlari ham o‘qqa tutildi.

G‘azo markazidagi Nusayrat qochqinlar lageriga qilingan uchuvchisiz dron hujumi natijasida besh falastinlik halok bo‘ldi. Sevaruxa qochqinlar lagerining yaqinidagi zarbada yana besh kishi yaralangan.