Isroilning Eronga bergan zarbalari natijasida ikki general halok bo‘ldi

Isroilning Eronga bergan zarbalari natijasida Islom inqilobi qo‘riqchilari korpusining ikki generali halok bo‘ldi.

Bu haqda Borna News agentligi xabar berdi.

Unga ko‘ra, Rashid Eslamiy va Rezvanpur Fotuhiylar Isroilning Eronning Qazvin viloyatidagi qarorgohiga uyushtirgan zarbasi natijasida halok bo‘lgan.

Eslatib o‘tamiz, Isroil 13 iyunga o‘tar kechasi Eronga qarshi harbiy operasiya boshlagan edi, oradan bir kun o‘tmay Islom Respublikasi javob hujumini amalga oshirdi. Qo‘shma Shtatlar mojaro avj olganidan to‘qqiz kun o‘tib kirdi: 22 iyunga o‘tar kechasi Amerika qurolli kuchlari Eronning uchta yadroviy ob’ektiga hujum qildi. 23 iyun kuni kechqurun Tehron Amerikaning Yaqin Sharqdagi eng yirik aviabazasi – Qatardagi Al-Udeyd aviabazasiga raketa zarbasi berdi. AQSh rasmiylariga ko‘ra, qurbonlar yo‘q va jiddiy zarar ko‘rmagan.

Trampning so‘zlariga ko‘ra, Isroil va Eron o‘t ochishni to‘liq to‘xtatishga kelishib olgan. Isroil hukumati AQSh taklifini qabul qilganini tasdiqladi va o‘z oldiga qo‘ygan barcha vazifalarni bajarganliklarini ma’lum qildi. Eron Isroil ustidan g‘alaba qozonganini e’lon qilib, uni bir tomonlama ravishda agressiyani to‘xtatishga majbur qildi.