Arxeologlar Isroilda xazina topdi: eramizning VII asriga oid 44 ta Vizantiya sof oltin tangalari. Bu haqda BBC xabar berdi.
Qadimiy Baniyas shahrida olib borilgan qazishmalarda umumiy og‘irligi atigi 170 gramm bo‘lgan xazina topildi.
Olimlarning fikricha, xazina 635 yilda, musulmonlar bu yerlarni bosib olgan paytda yashirilgan.
Isroil qadimiy ashyolar boshqarmasining tangalar bo‘yicha mutaxassisi doktor Gabriyela Biyovskining so‘zlariga ko‘ra, topilgan tangalarning bir qismi Vizantiya imperatori Flaviy Foke (milodiy 602-610) davrida zarb qilingan, biroq ularning aksariyati uning vorisi Irakliy I davrida zarb qilingan.
Olimlarning aytishicha, topilma hozirgi Isroil hududini musulmonlar bosib olgan yillar va mintaqada Vizantiya hukmronligi tugatilganiga qo‘shimcha oydinlik kiritadi.
«Egasi bir kun kelib qaytib, tangalarini topishga umid qilib, uni urushdan qutqarib, boyligini qanday yashirganini tasavvur qilish oson. Ammo biz bilamizki, uning omadi yo‘q», — dedi qazishma rahbari Yoav Lerer.
Qadimiy shaharning ushbu turar-joy kvartalida tangalardan tashqari arxeologlar binolar, kanallar va suv quvurlari qoldiqlari, bronza tangalar va boshqa ko‘p narsalarni topdilar.
Putin va Ilhom Aliyev temir yo‘l sohasi faxriylari va xodimlari bilan uchrashuv o‘tkazdi
Rossiya hukumati bunga rozi bo‘ldi
Iqtisodiy jihatdan Moldova faqat Rossiya bilan hamkorlikda rivojlana oladi
