Isroil Suriyadagi demilitarizasiya zonasi bo‘yicha muzokaralarni boshladi

Isroil Bosh vaziri Benyamin Netanyaxuning aytishicha, "ayni paytda" Damashq janubida qurolsizlantirilgan hudud yaratish masalasi muhokama qilinmoqda.

Bu haqda bosh vazir devoni ma’lum qildi.

"Hozir biz uchta narsaga e’tibor qaratmoqdamiz: As-Suvayda viloyatidagi druzlar jamoasini himoya qilish, Damashq janubidan Golan tepaliklarigacha, jumladan As-Suvayda provinsiyasigacha demilitarizasiya qilingan hudud yaratish va oziq-ovqat, qurilish materiallari, shuningdek, keng ko‘lamli tibbiy yordam yetkazib berish imkonini beradigan gumanitar yo‘lak yaratish. Bu haqda Isroil shimolida isroillik druzlar jamoasining ruhiy yetakchisi Shayx Muafak Tarif bilan uchrashuvda aytdi.

Avvalroq Suriyaning o‘tish davri prezidenti Ahmad al-Shara Arab Respublikasi va Isroil delegasiyalari xavfsizlik choralari bo‘yicha ikki tomonlama kelishuvni ishlab chiqish bo‘yicha muzokaralarda muvaffaqiyatga erishganini ma’lum qilgandi. U, shuningdek, Yaqin Sharq mamlakatlari o‘rtasidagi iqtisodiy integrasiyaning muhimligini ta’kidlab, “Suriya va mintaqa manfaatlariga mos keladigan har qanday qarorni qabul qilish yoki kelishuvni tasdiqlashdan tortinmasligini” ta’kidladi.