Isroil hujumidan keyin “al-Shifo” shifoxonasi qabristonga aylangan

G‘azo fuqaro mudofaasi al-Shifo shifoxonasi hududidan yana 57 ta jasadni topdi.

Juma kunidan beri ushbu tashkilot urush davomida shifoxona hududiga dafn etilgan falastinliklarning jasadlarini izlab topmoqda.

Ularning taxminlariga ko‘ra, anklavdagi eng yirik tibbiyot majmualaridan biri bo‘lgan G‘azo shahri shifoxonasi hovlisida 160 tagacha jasad dafn etilgan bo‘lishi mumkin. Shifoxona Isroilning takroriy hujumlari va bosqinlari natijasida vayron bo‘lgan.

Falastin fuqarolik mudofaasi bugun topilgan 57 jasaddan 40 nafarining shaxsi noma’lumligicha qolganini aytdi. Hozirgacha jami 135 ta jasad topib olingan.