Isroil G‘azoda ochlarni yana o‘ldirmoqda

Isroil armiyasi G‘aza sektoridagi Nesarim koridorida yordam izlayotgan falastinliklarga o‘q uzdi va Nuseyrat tumanidagi ikki binoni hujumga uchratdi. Hujum natijasida 11 kishi halok bo‘ldi. Falastinliklarning, jumladan bolalarning jasadlari «Al-Avda» shifoxonasiga dafn qilish uchun olib kelindi, deb xabar bermoqda AA.

2023 yil 7 oktyabridan buyon muhosaradagi G‘aza sektorida Isroil armiyasining hujumlari natijasida halok bo‘lganlar soni 62 064 nafarga yetdi, deb ma’lum qildi Falastin Sog‘liqni saqlash vazirligi.

Shu bilan birga, 27 maydan boshlab Isroil armiyasi tomonidan 1860 dan ortiq falastinlik ozuqa izlash chog‘ida yoki AQSh va Isroil rahbarligidagi «G‘azaga gumanitar yordam jamg‘armasi» tomonidan tashkil etilgan hududlar yaqinida, yoki ozuqa tashuvchi yuk mashinalari yo‘nalishlarida o‘ldirilgan.